CONVOCATORIA CDTI: NEOTEC 2019
20 de xuño, ás 11:30 horas
Edificio Emprendia – USC, Santiago de Compostela
Recentemente aprobouse a convocatoria 2019 do Programa NEOTEC, dotada este ano con 25 M€, coa que o Centro para o Desenvolvemento Tecnolóxico Industrial (CDTI) apoia proxectos empresariais que requiran o uso de tecnoloxía ou coñecemento desenvolvidos a partir da actividade investigadora, nos que a estratexia de negocio se basee na tecnoloxía propia.
o Características da axuda: Subvencións ata o 70% do orzamento da actuación, cun importe máximo de subvención de 250.000 euros por beneficiario.
o Características do proxecto: Orzamento mínimo de 175.000 euros. Proxectos de 1 ou 2 anos de duración (Deberán iniciarse a partir do 1 de xaneiro de 2020)
o Prazo de presentación: Ata o 1 de Xullo de 2019
A Axencia Galega de Innovación, en colaboración co Centro para o Desenvolvemento Tecnolóxico Industrial (CDTI), organizan unha xornada informativa dirixida a emprendedores, startups innovadoras, empresas de base tecnolóxica, axentes do ecosistema emprendedor da Comunidade Autónoma de Galicia, onde o CDTI presentará a nova convocatoria NEOTEC 2019, e se reunirá cos asistentes que o soliciten previamente para revisar propostas en preparación.
INFORMACIÓN E INSCRICIÓNS